Оваа година, Samsung претстави два модели на новото издание на Note серијата – Samsung Galaxy Note 10 и Samsung Galaxy Note 10 Plus. Во повеќето од категориите, Note 10+ е подобра варијанта, иако во некои категории, двата модели имаат исти карактеристики.

Samsung Galaxy Note10 и Note 10 Plus

Уште на старт се гледа една од главните разлики, а тоа е екранот. Помалиот Note 10 има 6.3 инчен Dynamic AMOLED Infinity-O екран со резолуција од 2280×1080. Note 10 Plus има 6.8 инчен Dynamic AMOLED Infinity-O екран со резолуција од 3040×1040 пиксели. Двата модели го користат новиот процесор Exynos 9825 (произведен од Samsung), додека за пазарот во САД ќе го користат Snapdraggon 855.

Samsung Galaxy Note10 и Note 10 Plus

Помалиот Note 10 ќе има 8GB работна меморија, додека Note 10 Plus ќе има 12GB меморија. Note 10 ќе има внатрешна меморија од 256GB и без лежиште за мемориска картичка, додека Note 10 Plus ќе има варијанти со 256GB и 512GB внатрешна меморија, но и лежиште за мемориска картичка.

Samsung Galaxy Note10 и Note 10 Plus

Двата модели ќе имаат скоро иста конфигурација на камерите. На предната страна имаат сензор од 10 мегапиксели, додека на задната страна имаат ултра широк сензор од 16 мегапиксели, широк сензор од 12 мегапиксели и телефото сензор од 12 мегапиксели. Note 10 Plus има и Depth vision camera која треба да помогне за подобра длабочина во фотографиите.

Samsung Galaxy Note10 и Note 10 Plus

3500mAh е капацитетот на помалиот модел, додека поголемиот има батерија со капацитет од 4300mAh. Батериите имаат можност и за безжично полнење. Телефоните би требало да бидат достапни од 23-ти август 2019-та година.

Samsung Galaxy Note10 и Note 10 Plus

Цената во САД за Note 10 ќе биде 949 долари, додека за ote 10 Plus ќе биде од 1099 долари (за варијантата со 12GB RAM и 256GB внатрешна меморија). Можеби една од најважните промени кај новиот модел е отсуството на стандардниот конектор за слушалки.